Saans Ki Aag MeiN Her Dum Jalna, Yeh Jeewan Hay
Laikin Phir Bhi Zindah Rehna, Yeh Jeewan Hay
Her Khawahish Ki Khatir Merna, Yeh Jeewan Hay
Laikin Phir Bhi Zindah Rehna, Yeh Jeewan Hay
Aankh To Chahey Aansoo Saray Ghum Dho DaLeiN
Laikin Aansoo Rokay Rakhna, Yeh Jeewan Hay
Umr Ko Jaatay Daikhna Roz-e Nau Ki Soorat
Aur Phir Kutch Bhi Ker Na Sakna, Yeh Jeewan Hay
Apni Samajh MeiN Her Ik Shakhss Say Aagay Hona
Laikin Phir Bhi Peechay Hona, Yeh, Jeewan Hay
Uss Ki Kami Ko Dil Say Bhulanay Ki Khatir Tum
ALI Yeh Dil Say Kehtay Rehna, Yeh Jeewan Hay
Copyright © 1998 Muhammad Ali Khan. All Rights Reserved.
